Map y Parch Jones
Archifau Sir Powys

Cymuned

Methodistiaid Cyntefig Llangynllo

Aeth y Parch Rose, a'r Parch Jones o'i flaen, ar ymweliad â sawl aelod o'i ddosbarth neu grwp cyfeillach o ardal Llangynllo, Sir Faesyfed, a llunio nodiadau amdanynt.

Mae pedwar o'r teuluoedd yn ymddangos ar gyfrifiad 1901, sef yr un mwyaf diweddar ar y pryd, ac roedd rhai yno hefyd ar gyfrifiad 1891.

Yn gyntaf, roedd y teulu Griffiths - Richard Griffiths, ei wraig a'u dwy ferch oedd yn byw yn Llancoch. Mae'r Parch Jones yn dweud eu bod yn "all attend our place" a'u bod yn "kind people near the station". Nid oeddynt yn byw yn y pentref yn 1891.

Llancoch Farm, Llangynllo
Archifau Sir Powys

Mwy o nodiadau wedi'u hysgrifennu â llaw gan
y Parch Jones, ar gefn Llyfr Dosbarth
Archifau Sir Powys

Cloggie Farm, Llangynllo
Archifau Sir Powys

Roedd y teulu Vaughan yn mynychu'r dosbarth. Roeddynt yn byw "up by the Vicarage" yn Cloggie Farm. Yn 1891, serch hynny, roeddynt yn byw mewn rhan arall o'r pentref yn Tack Barn.

Bailey Farm, Llangynllo
Archifau Sir Powys

Yn byw nesaf atynt hwy, roedd y Merched Lloyd a'u brodyr yn Bailey Farm. Yn ôl y Parch Jones, roedd "father's dead, mother recently died". Ymddengys ei fod yn bryderus gan eu bod wedi newid i fod yn bobl 'eglwys' ond y dylai'r Parch Rose alw heibio beth bynnag. Ni ellir dod o hyd i'r teulu Lloyd yn Llangynllo yn 1891.

Yn olaf mae Mr a Mrs Tong. Mr Tong yw postman a gefail y pentref. Cyfarwyddyd y Parch Jones yw "if you get him for company [7.35 in at Post Office] on a dark night it is as well up the dingle". Yn 1901, roedd yn byw yn y 'Gravel', lle'r oedd wedi byw yn ystod cyfrifiad cynharach 1891.