Archifau Sir Powys

Gofal Iechyd

Fferyllfeydd ym Mhowys: W W Johnson

Fferyllydd o Derby oedd William W Johnson a brynodd fferyllfa yn Llandrindod. Sefydlwyd y siop tua 1878. Pan brynodd William Johnson y busnes oddi wrth George Bentley, roedd ganddo ddwy siop yn y Stryd Fawr a Temple Street (caewyd y siop yn y Stryd Fawr yn 1926 a daeth un arall yn ei lle ar 'Park Crescent'). Gwerthwyd y busnes yn y pen draw i George Hilliar, cyn brentis i William Johnson. Bu farw Johnson yn 1947.

Yn 1891 roedd yn byw yn y siop ar y Stryd Fawr gyda'i wraig a'i ferch fach, ac mae'r cyfrifiad yn dangos ei fod yn ddigon cefnog i allu cael dau was yn byw gyda'r teulu:

Archifau Sir Powys

Mae llyfrau presgripsiwn gwreiddiol Johnson ar gyfer 1891 yn dangos y gwahanol feddyginiaethau a ddosbarthwyd ganddo, gan gynnwys presgripsiwn ar gyfer Mrs Twyning, gwraig Major Twyning ynad lleol.

Gellir gweld tudalennau eraill o'r llyfrau presgripsiwn yma.

Mae nifer o foteli gwreiddiol y fferyllydd o siop Johnson yn 'Park Crescent' bellach yn cael eu harddangos yn Amgueddfa Maesyfed.